Դուք հրավիրված եք Արամ Ազարյանի առաջին ֆոտո-ցուցադրությանը, որը դիտարկում է մեր՝ իրար դասակարգելու ու պիտակավորելու հակումները։
Ցուցադրված նյութը համեմատության մեջ ներկայացնում է և մարդկանց՝ հասարակության կողմից պիտակավորված ու սեփական պատկերացումներով շրջանակված։ Մարդիկ ներկայացված են Յունգյան արխետիպերի ու հասարակության մեջ շրջանառվող ստերեոտիպային ընկալումների համաձայն։
Լուսանկարներում ոչ թե ուղղակի մարդիկ են, այլ “բրենդայնացված” ու “կատալոգայնացված” կերպարներ, ում անձի շուրջ միահյուսվել են հանրության ու իրենց իսկ կողմից դրված պիտակները։
Այս ցուցադրությունը մարքեթինգի ու բրենդինգի ոլորտում բազում տարիների փորձ ունեցած մասնագետի երկխոսություն է, որի համար ընտրվել է արվեստի լեզուն։