Ասատուր Պզտիկյան

1943 թ. – ծնվել է Բեյրութում (Լիբանան)։  

1959 թ. – ից հաճախել է Բեյրութում գտնվող իտալական մշակույթի տուն, սկսել է մասնակցել խմբային ցուցահանդեսների։  

Տեղափոխվել է Իտալիա, որտեղ հաճախել է Պիետրո Վանուչիի Ակադեմիա։   

1964 թ. – տեղափոխվել է Փարիզ, որտեղ սովորել  է Գեղեցիկ արվեստների ազգային բարձրագույն դպրոցում։  

1968 թ. – ից աշխարհի տարբեր երկրներում ունեցել է ավելի քան 80 անհատական ցուցահանդես։   

Մասնակցել է ավելի քան 50 միջազգային բիենալների և սրահների, որոնցում հանդես է եկել որպես յուրատեսակ նկարների, ջրաներկային աշխատանքների, տպագիր գրաֆիկայի (փորագրանկար, էստամպ և այլն) ակնառու վարպետ։  

Մասնակցել է միջազգային այնպիսի դիտումների, ինչպիսիք են. 

 1984 թ. – «Բնանկարը ժամանակակից արվեստում», Գեղեցիկ արվեստների դպրոց (Փարիզ),  

1989 թ. – «Կյանքի գույներ» (Փարիզ, Պրահա), 

1992 թ. – «Փոքր ձևերի արվեստ» (Գերմանիա)։ 

1978 թ. –ից կատարում է մի շարք գրքերի նկարազարդման աշխատանքները. Ժան Քլոդ Շնեյդերի «Ստվերներ» բանաստեղծությունների ժողովածուն, Լուիջի Մորմինոյի «Թռչնապահուհին», Մաքս Կլարակ-Սերուի «Միջին եղանակը», Կամիլո Սբարբարոյի բանաստեղծությունների ժողովածուն, Յանիս Ռիդսոսի «Փոխարինում» պոեմը, Ադոնիսի «Փառաբանում-2»-ը, Իսսա Մակլուֆի «Մոլորությունը» և այլն։  

Ասատուրն արժանացել է ավելի քան 25 պարգևի, որոնց թվում՝ 

1972 թ. – ոսկե շքանշան III միջազգային բիենալում (Ֆլորենցիա)  

1973 թ. – Էպինալ քաղաքի արծաթե շքանշան (Ֆրանսիա)  

1975 թ. – Ջիվայի բիենալում՝ Գրան-պրի մրցանակ 1980 թ. – Կրակովի քաղաքապետարանի մրցանակ  

1981 թ. – գրաֆիկայի փոքր ձևերի համար պատվո շքանշան (Լեհաստան)  

1983 թ. – Ժամանակակից արվեստի թանգարանի մրցանակ (Լյուբլյանա, Հարավսլավիա) 

Ժամանակակից արվեստի ազգային հիմնադրամ (Փարիզ) 

1984 թ. – Գրան-պրի (Փարիզ) 

Գալուստ Գյուլբենկյանի հիմնադրամի մրցանակ (Լիսաբոն, Պորտուգալիա) 

Փորագրանկարի և տպագիր պատկերների կենտրոնի մրցանակ (Լուվր, Փարիզ) 

1986 թ. – Վարշավայի և Սիլեզիայի ազգային թանգարանների մրցանակներ (Լեհաստան) 

«Ժամանակակից էստամպ» եվրոպական առաջին բիենալի մրցանակ (Լյուքսեմբուրգ) 

1990 թ. – Գաբրիել Օլիվիեի մրցանակ՝ Ժամանակակից արվեստի 24-րդ միջազգային փառատոնում (Մոնտե Կառլո) և այլն։  

Աշխարհի տարբեր երկրներում Ասատուրի մասին տպագրվել է ավելի քան 15 գիրք։  

Աշխատանքները գտնվում են Ազգային գրադարանում (Փարիզ), Էստամպների և նկարների ժողովածուում (Ֆլորենցիա), Փարիզի քաղաքային թանգարանում, Ժամանակակից արվեստի ազգային թանգարանում (Հռոմ), Ժամանակակից արվեստի թանգարանում (Երևան), Հայաստանի Ազգային պատկերասրահում, աշխարհի տարբեր երկրների բազմաթիվ մասնավոր հավաքածուներում։